Kha踏台灣地、頭戴世界天 向世界發聲、台灣chiah會出頭天!

2012台灣越南兩國文化交流團

主辦單位:社團法人台越文化協會‧社團法人台灣羅馬字協會‧台文筆會
協辦單位:亞細亞國際傳播社‧鴻毅旅行社
活動目的:促進台灣kap越南之間ê文化交流,進一步深化台越ê民間外交、拓展台灣佇國際上ê知名度。
活動內容:了解越南脫漢經驗kap參訪學術機構(為避免中國干擾,預定參訪單位暫時保密)。邀請雙方專家學者針對台越兩國ê母語、歷史、文學、文化等議題分享、交流,並且討論未來合作ê可能性。另外mā透過參觀歷史古蹟、文化旅遊,增加雙方互相認識ê機會。
活動日期:暫定2012年7月初5(拜四)~7月初9(拜一),5工4暝。
暫定行程:請看簡章附件一
招收對象:
1. 台越文化協會、台灣羅馬字協會kap台文筆會會員優先。
2. 16歲以上、會使照顧家己,對越南文化真有興趣,想beh替台灣做國民外交ê民眾。
招收團員人數:30名,先報先贏,額滿為止。報名到2012年6月4日截止。
報名方式請先電話連絡看koh有名額無,Tel: 06-2096384。填寫報名表EMAIL:tvhiaphoe@gmail.com(主辦單位有審查ê權利,審查了後會通知錄取ê人交保證金koh資料。錄取、有繳費ê團員ē-sái得著1頂特製ê帽仔kap實用ê越南語工具冊1本喔!)
費用:新台幣25,000箍(包含越南機票、簽證、部分餐費、飯店費用
、越南交通費、參觀門票、200萬旅遊險、3萬醫療險kap行政費用。)
無護照ê、護照到期ê ài 另外加1,700箍

注意事項

  • 本團是文化交流團,毋是一般ê旅遊團,所以存心 “單純旅遊” 抑是 “抱著相親心態” ê人請毋通報名。
  • Tī越南,素食無普遍。所以,本團無保證ē-tàng提供素食,請諒解。
  • 房間安排原則上2 ê人1間(若翁仔某做伙參加á-sī有特別需求ê請tī報名表註明清楚)。
  • 猶未有護照ê人,請tī主辦單位通知錄取了後,緊去戶籍地ê戶政辦 “人別確認”,才將表格kap身分證正本寄來主辦單位。
  • 越南ê觀光事業因為開發khah慢,逐項基礎建設:交通、住宿、電力kap路況等等猶未真齊備,m̄-koh越南文化ê豐富kap精采無因為án-ne受著影響,請抱著 “入境隨俗” ê心情來參加這擺ê交流團,相信逐家一定一生難忘。J

請先閱讀有關越南ê相關資訊,會使參考下面ê網址:
http://www.de-han.org/vietnam

2012越南訪問團簡章.doc